سلامات ياوطن وعوافي تاني ياوطن
كل الحاصل بنتهي ويبقي الأمل وذلك العمل
من تجاربنا تعلمنا وايضا استفدنا وافدنا غيرنا
كل خطوة تعني مرحلة وايضا مختلفة
السودان جوانا عنوان ليس الآن بل منذ زمان
الخراب والدمار ليس مننا في شئ
كلو بنتهي وكلو فايت ويبقي دروس وفصول لجيل قادم
حقنا نكاتل فيهو سلميا ومابنجامل ابدا في غيرو
نرص الصفوف ونغييث الملهوف والكايس العلاج والطعام والشراب والتعليم ولكل محتاج في اي مكان في بلدنا الحبيب السودان
في محبة الوطن كتبنا عنوان من قديم الزمان
ننبذ خطابات الكراهية البغيضة والعصيبة واخريات
تجار الحرب والازمات معروفين وليس مدسوسين
دعوا الاشجار والازهار والغابات والحقول تخضر وتنمو وتزدهر لتغرد العصافير في سرور وانشراح بلا اتراح اونواح
سلامات ياوطن وكمان عوافي تاني ياوطن
إزالة مخلفات البيئة الملوثة بالحرب وتوابعها وماتسببه من أمراض فتاكة بالانسان السوداني الصابر علي الضيم ومرارات الراهن الأليم تعني سلامة المواطن فهو حق وليس استجداء من احد
كل الجهود تبذل داخليا وخارجيا وفقا لرؤيتنا وارادتنا الوطنيه لإيقاف هذه الكارثة الخطيرة
الحساب حساب ولا بنفع فيه العتاب
الكضاب كضاب وإن تدثر بذلك الجلباب
السودان ياهو السودان بكل تفاصيله وتنوع اعراقه وبالتالي ثقافاته وانتاجه الفني المتنوع
تشرق شمسك ياسودان العز والصمود كل صباح جديد بالتفاؤل الموعود والبشريات القادمات بلاحدود وباكر ينعدل الحال وينصلح ويطيب ونبنيك موحدا كما نهوى ونريد وليس ذلك ببعيد شدة وتزول بإذن الله تعالى لن تطول
لموا الصفوف وحدوا الهتاف الجهور بالنشيد والقصيد لحماية الوطن العزيز من الانهيار والانزلاق والتبعية والارتهان
بخلاف ذلك:ظاهره حمل السلاح دون ترخيص ولا رقابه يهدد حياة المواطنين عصابات النهب المنتشرة بالخرطوم نموذجا. الي ان نلتقي.يبقي الود بيننا غداتخضرالأرضاليباب
الطيب كنونه
