امدرمان:توتيل نيوز
لم تمنع الحرب الكؤود في السودان الحبيب قطاعات السودانيين من الالتفاف حول مبدعي الوطن المكتوي بنيران القتال، بالمقابل زادت محنة الحرب من اواصر التواصل بين المبدعين وعامة الشعب.
ابوعركي البخيت كان و مايزال هرما شامخا لم تهزه الحرب بل ترجم حبه لأهله فانداح حنانا كحكاية حبيبة شاعرنا الراحل واستاذنا في بلاط صاحبة الجلالة سعد الدين ابراهيم بلسما للعشيرة يقاسمهم آلام الحرب ويزورهم في الهجير
يقوم يزود ضلهم
والي الخرطوم أحمد عثمان حمزة وزميلنا الاعلامي الطيب سعدالدين ترجما حب السودانيين لقيثارة الفن السوداني ابوعركي البخيت بزيارة المنزله العامر في حي العرضة الامدرماني ليردد السودانيين في الزيارة
الأليفة ندى الشروق
الغنى لي زراع ارضنا
دخلت الزيارة وجدان عركي وأهل امدرمان
زي الشعاع دخلت رواكيبنا واوضنا
الجميلة تفوتنا هسع
نبقى مشتاقين برضنا.
ابوعركي بجماله واصالته اللامعة كذهب بلادنا عبر عن تقديره لزيارة الوالي والمدير العام لوزارة الثقافة والإعلام بالولاية وطالبهما بتقديم دعم عاجل لجيرانه
كيف لا فهو
مرة غنى عن هوانا
فرح كل الحزانا
في منزل المبدع ابوعركي البخيت.. والي الخرطوم.. الأليفة ندى الشروق.. الغنى لي زراع ارضنا
