:
كلو مفهوم وايضا معلوم
الدس مايفيد ولا بعيد ماضيكم المهزوم
طلائع وحشود من كل البيوت والأحياء والأسواق والمصانع والمعامل والحقول والورش وآخرين ينادون ثم ينادون الحرب اللعينة لازم تقيف
كل زول اجرم وكل زول طغي واستكبر يومو جاي قريب وليس بعيد
سلامات ياوطن وكمان تأني عوافي يابلد
ننبذ معا توجهات العنصرية والقبلية وخطابات الكراهية البغيضة بيننا
شوفوا ماحولكم والحكاية حكاية لن تدوم
في حقنا نكاتل وننادي ونطوي صفحات ذلك الكتاب الأسود
دعوا الأشجار والازهار والغابات والحقول تنمو وتخضر لتغرد تلك العصافير جزلي ومرحي وفرحي بلا اتراح او نواح
مافي شئ بضيع ولا بفوت كلو بحسابو وزمانو وايضا مكانو
سلامات ياوطن وكمان عوافي تاني يابلد نرص الصفوف ونغيث الملهوف والكايس العلاج والطعام والشراب والتعليم والصحه تلك حقوق وحقوق لن تسقط بالتقادم وان طال عليها الزمان اوتغير بها المكان تظل حاضره وواجبة السداد ولو لحين ياتي لاحقا
قال شنو؟خليك من قولو لا بودي ولا بجيب كلام معروف ومعروف ومعلوم
البيئة الملوثة ببلاوي الحرب أشد فتكا من الرصاص ويبقي الخلاص في إزالة اسبابها وطي صفحات كتابها
نغنيك ياحلمنا الجميل باعذب نشيد وقصيد ومديح وفنون اخريات تعلمناها من شعبنا المعلم بصبر وثبات وجلاد
تشرق شمسك ياسودان العز والصمود كل صباح جديد بالتفاؤل الموعود والبشريات القادمات بلاحدود وباكر ينعدل الحال القاسي والمرير ونبنيك موحدا كما نهوي ونريد وليس ذلك ببعيد شده وتزول بإذن الله تعالى مابتطول باخلاصنا ووحدتنا وعزيمتنا ودفاعنا عن حقوقنا المشروعه سلميا
غدا نعود وغدا نسود اكيد واكيد
بخلاف ذلك :
علي العهد القبيل جايين وجايين يا وطن
الي ان نلتقي يبقي الود بيننا
غدا تخضر وتنمو الأرض اليباب
الطيب كنونه
