:
مافي شئ بقيف طالما النفس طالع ونازل
بعزيمتنا واصرارنا علي تخطي تلك العقبات حتما نعبر ونعود ثم نسود
سلامات ياوطن وعوافي تاني ياوطن
كلو بهون وكلو بكون طالما اتحدنا واتخذنا الوطن رسالة وامانة وشرافة وقلادة قدام وقدام
العتره تعدل المشيه وتسند الجايات وتزيل تلك العثرات
في تضامننا كلام من غير ملام
رصوا الصفوف لنمارس حقنا المشروع في تحقيق حملنا ان نعيش في امان وسلام وعدل واطمئنان في بلدنا العزيز هذا السودان
عمر الظلم مابدوم وان تبدلت الهدوم
لاعفو ولا تسامح لأي كان ويكون دمر اقتصادنا وازهق ارواحنا وجعل المنافي والشتات والنزوح وطنا اخر لنا
تظل الحقوق حقوق حاضره وواجبه السداد وليست منحه من احد ولا تسقط بالتقادم والنسيان اوالطمس وان طال عليها الزمان وتغير بها المكان تبقي حاضره وواجبه السداد ولو لحين ياتي لاحقا
دعوا الأشجار والازهار والغابات والحقول تخضر وتنمو لتغرد تلك العصافير جزلي ومرحي وفرحي بلا اتراح اونواح
في هبتنا قوه وتلاقي واكتوبر الاخضر لينا ينادي ثم ينادي
عظات وعبر وشواهد وتجارب سطرها هذا الشعب المعلم
بين الأمس واليوم مسافه لكنها قريبه وليست بعيده
ننادي في الجميع بقدر المستطاع لدعم مشاريع الشباب الهادفه بالتوعيه المجتمعيه بمخاطر الراهن واثاره المريره وجراحاته وسقوماته الاليمه عبر ابداعاتهم المتنوعه
سلامات ياوطن وكمان عوافي تاني يابلد
نشتل بذره مثمره نجني ثمارها فوائد عديده ومفيده
عاين قدام وقدام وتاني قدام هنالك العديد من المهام العديده اولها
لازم ولازم الحرب تقيف اليوم قبال باكر
بابداعات شعبنا الصبور نرتقي ونسمو لقمم شامخات لعهد جديد
بلاوي وسواهي ودواهي وآثار الحرب تزال اليوم وليس الغد
محاوله البعض تصحير حياتنا الثقافيه قصد لمقصود ولكن هيهات وهيهات
تشرق شمسك ياسودان العزوالشموخ والصمود كل صباح جديد بالتفاؤل الموعود والبشريات القادمات بلاحدود وباكر ينعدل الحال الشين وينصلح ويطيب ويحلو لنا فيك القصيد والنشيد والمديح والمغني الجميل و حتما نبنيك ياوطن موحدا كما نهوي ونريد وليس ذلك ببعيد شده وتزول بإذن الله تعالى مابتطول باخلاصنا ودفاعنا عن حقوقنا المشروعه سلميا
بخلاف ذلك:
يظل اكتوبر معلما بارزا في تاريخ السودان الحديث
الي ان نلتقي يبقي الود بيننا
غدا تخضر وتنمو الأرض اليباب
الطيب كنونه
