لاوي في حقك عديل طالما انت واقف عليهو وحارسو بفهم ودراية
مافي شئ بضيع ولا بروح ولابفوت ولا بتنسي
الحقوق حقوق وتظل حقوق وليست منحة من احد ولا تسقط بالتقادم وان طال عليها الزمان وتغير بها المكان تظل حاضرة وواجبة السداد ولو لحين يأتي لاحقا
للصبر حدود وخربانة ام بنيانا قدود
نتعلم ونستفيد من تجاربنا كل ماهو جديد
سلامات ياوطن وكمان تأني عوافي يابلد
ارح قدام بلاش بندقية ولاارتهان الكلمه اقوى من الرصاص
بيتنا الكبير بشيلنا كلنا بلا ضيق ولا تضييق
دعوا الاشجار والغابات والازهار والحقول تخضر وتنمو وتزدهر لتغرد تلك العصافير جزلى وفرحى ومرحى بلا اتراح اونواح
غلاء المعيشة وتكاليف العلاج اوجدت مساحات واسعة لتجار الحروب
بينا النفاج فاتح جسور نمد المقدور لسدحاجة المقهور
الكضب لزومو شنو وشان شنو وعشان شنو ولمصلحة من
العين بتشوف كل المدسوس
لازم تقيف وتقيف هذه المآسي والبلاوي والمحن
الخراب والدمار مساحات لتجار الازمات والكروب
توفير المعينات الضرورية للمواطنين واجب علي الدولة وليس منحة من احد ولا هبه ولا صدقة
الحقوق حقوق وتظل حقوق وتظل مهما طال الزمان اوتغير المكان
الاعلام الضلالي بضاعة خاسرة في عصر التواصل اللا نهانى
المسكوت عنه كثير ولكن حتما ينكشف المستور
شعارات الزيف لن تسود ولاتسود طالما الشمس بتشرق كل صباح جديد بالتفاؤل الموعود والبشريات القادمات بلاحدود
باكر ينصلح الحال الشين ويطيب فيك ياوطن القصيد والنشيد والمديح والمغنى الجميل ونبنيك موحدا كما نهوي ونريد وليس ذلك ببعيد شدة وتزول بإذن الله تعالى مابتطول باخلاصنا ودفاعنا عن حقوقنا المشروعة سلميا.
بخلاف ذلك :
حامدين وشاكرين لرب العالمين طالما النفس طالع ونازل بلا رسوم او اتوات تدخل جيوب الفاسدين والمضللين
الي ان نلتقي يبقي الود بيننا
غدا تخضر الأرض اليباب
الطيب كنونه
