للظرف والطرائف مكان وزمان، ظلال واثار في حياة الناس
موهبة لا يمتلكها ولا يدركها الا من عرفها ووظفها لتطريب تلك الأجواء
نحن شعب نجيد التذوق والتشوق في هجير الصي زمانا ومكانا
بين التذوق والادراك مسافات ومساحات وجمهور من كل الفئات
الحرب وقساوتها لم تمنعنا من توظيفها لقضايا لها دلالات وكثير من الطرفات
ليس بالخبز وحده نحي
الحاصل شنو وشان شنو وعشان شنو
سلامات ياوطن وكمان تأني عوافي يابلد
لعبت المقاهي وتجمعات الناس حكايات وعناونين لهذا الفن الرفيع
ينط عليك واحد ويقول ليك نحنا في شنو وانتو في شنو
كلو بدربو وكلو بظرفو اسمو وعنوانه واهدافه
الحاصل مابشبهنا أصلا وليس مننا ولا نحن منه في شئ
حياتنا وطموحاتنا وغايه امالنا ان نعيش في امان وسلام واطمئنان ووئام لا عصيبة ولاجهوبة و لا نعرات قبلية
كلنا من بعض و بنشيل بعض ونتقاسم الموجود في الافراح والاتراح بلا حدود
ظرفاء المدنية وظفوا الطرائف لخدمة قضايا الراهن المرير لتكون متنفس وفسحه من هذا الهجير
دعوا الأشجار والازهار والغابات والحقول تخضر وتنمو وتزدهر وتثمر لتغردالعصافير في سروروانشراح بلا نواح واتراح
العايزنو ما بنتم ولا بتلم ليهم طالما فينا نفس وروح
الحياة الكريمة للمواطنين حق وليست منحة من احد ولا منه ولاتبرع
بالفنون والاداب المتنوعة نرتقي ونسمو لقمم شامخات عاليات لعهد جديد
معلمنا الشعب السوداني مدرسة فصولها الحياة ونوافذها متعددة الاسماء والعناونين
في الحارة نحنا غير وبخلاف ذلك غير
حقناواضح ومافاضح بنكاتل فيهو عديل سلميا ولا بنجامل فيه احد دغريا
كل من حاول ارهابنا وسرقة احلامنا وامالنا لم يدرك ويقيم جيدآ من نحن
تزال مهددات الحياة المختلفة ليعيش المواطن الكريم في أمان وسلام واطمئنان بلاحدود ولا قيود
خربانه ومادوامة ام قدود
تشرق شمسك ياسودان كل صباح جديد بالتفاؤل الموعود والبشريات القادمات بلاحدود وباكر ينعدل وينصلح الحال القاسي والمرير ويطيب لنا ويحلو فيك القصيد والنشيد والمغني والمديح ونبنيك موحدا ياوطن الجساره والصمود كما نهوى ونريد وليس ذلك ببعيد شدة وتزول بإذن الله تعالى مابتطول باخلاصنا ودفاعنا عن حقوقنا المشروعة سلميا بلا ارتهان لقرارنا وخيارنا الوطني
بخلاف ذلك:
حياة المواطنين ومعاشهم وصحتهم وامانهم ليست قابلة للارتهان
إلي أن نلتقي يبقي الود بيننا غداتخضرالأرض_اليباب
الطيب كنونه
