كل زول يقول انه علي حق معلوم.
الصراع بالبندق شين ونتائجه مازين والخسران الوطن الزين
مالو لو جلسنا وتفاكرنا في همنا بلا سلاح
السودان بشيلنا كلنا بمختلف اعراقنا وثقافاتنا وتقاليدنا وموروثاتنا وعاداتنا ولهجاتنا ولغاتنا وكريم معتقداتنا
الفهم قسم والقسم ما لكل زول الا بالفهم
النعرات العصبية والجهوية وخطابات الكراهية مورثات لها وعليها مزروعة فينا من أمد بعيد
كل التنادي الوطني المخلص لايقاف نزيف الدم والخراب والدمار والشتات والنزوح والتهجير القسري اولا
اي زول بقول انو
بعيش براهو كضاب وكضاب وتاني كمان كضاب
الحال ليس محال المحال في الادعاء بنكران الحال
الشينة منكورة لكنها معلومة و محصورة
الزعامة ماها شعارات ولا وجهات
زعيمنا الشعب السوداني الصابر علي الضيم ومرارات الراهن وتعيقداته ونتائجه الاليمة
سلامات ياوطن وكمان عوافي تاني ياوطن
تتوحد كل الجهود المخلصة لايقاف نزيف الدم وتفيت الوطن وضياع موارده
قرارنا في خيارنا وفق ارادتنا ورؤيتنا الوطنية لكننا لا نمانع من تعاون الاخرين معنا
دعوا الأشجار والازهار والغابات والحقول تخضر وتنمو وتزدهر لتغرد العصافير في سرور وانشراح بلا اتراح
يتواصل النداء كل النداء لازالة مخلفات البيئة الملوثة بدواهي الحرب وأخواتها
نغنيك ياحلمنا الجميل باعذب نشيد وقصيد ونعيد ارثنا التليد ونبنيك ياوطن موحدا كما نهوى ونريد وليس ذلك ببعيد شدة وتزول بإذن الله تعالى مابتطول باخلاصنا ودفاعنا عن حقوقنا المشروعة سلميا
بخلاف ذلك:
للصبر حدود وخربانة ام قدود
الي ان نلتقي.يبقي الود بيننا
غدا_تخضر_الأرض_اليباب
الطيب كنونه