كل شئ بهون الا خراب البلد وضياع مستقبل البلد
نبقي عشرة وعشرات لحماية هذا السودان أرض الخير الوفير
نتفق او نختلف في كل شئ الا علي الوطن الكبير
بيناوعد البشارات القادمات بلاحدود
نسد فرقات ونزيل عثرات لحماية الديار من الانهيار
الحرب علمتنا ورتنا منو الباع ومنو الاشترى ومنو السمسار ومنو البقبض الثمن الرخيص
هيهات وهيهات نحنا حراسك ياوطن ونحنا
سمارك ومافي زول فينا في حبك بخيل
كل الأيادي والحناجر في العلالي تنادي لنبذ خطابات الكراهية البغيضة والجهوية والعنصرية والعصيبة
أولادنا اتربوا علي حبك ياوطن
رسمناك لوحات مشرفات تحكي امجادك وسجلت مزارات وصور زاهيات لشعوب اخرى تعلمت منا معني الوفاء للاوطان وصنع الواقع الأصيل
سلامات يا وطن وعوافي تاني ياوطن
دعوا الأشجار والغابات والازهار والحقول تنمو وتخضر والعصافير تغرد جزلى وفرحة في سرور وانشراح بلا اتراح اونواح
حقنا واضح وغير فاضح سلميا برجع لينا تاني وكمان تاني
نغنيك ياحلمنا الجميل باعذب نشيد ونعيد كل ماضينا التليد وحاضرنا الجديد
الحقوق تظل حقوق وليست منحة من احد ولا تسقط بالتقادم وان طال عليها الزمان وتغير بها المكان تظل حاضرة وواجبة السداد ولو لحين يأتي لاحقا
الخراب ساهل علا العمار صعب والأصعب التجاهل عن قصد معلوم
إزالة مخلفات الحرب اللعينة والبيئة الملوثة بها تعني سلامة المواطنين واستقرارهم وامانيهم المطلوب
كل التضامن والدعم المعنوي والمادي للشباب المهموم بقضايا الوطن وانسانه وموارده المتنوعة والهادفة بالتوعية المجتمعية بمخاطر ٠الراهن ومراراته وجراحاته الاليمة عبر برامجهم ومشاريعهم الوطنية المختلفة
البحبك مرحب بيهو والبحاربك نحنا ليهو سدود والشواهد مابعيدة بل قريبة وقريبة والشوارع مازالت صاحية وصاحية تتنادي وتنادي من أجلك يابلادي
تشرق شمسك ياسودان العز والصمود كل صباح جديد بالتفاؤل الموعود والبشريات القادمات بلاحدود وباكر ينعدل وينصلح الحال القاسي والمرير ويطيب ويحلو فيك القصيد والنشيد ونبنيك موحدا كما نهوى ونريد وليس ذلك ببعيد شدة وتزول بإذن الله تعالى مابتطول باخلاصنا ووحدتنا لهذا الوطن الكبير
الي ان نلتقي.يبقي الود بيننا
غداتخضرالأرض_اليباب
الطيب كنونه
