البتشوفو العين ما دايرلو بطارية واضح كما الصباح لو لاح
كلنا حضور وكلنا شهود بلا حدود
الشوف ياهو الشوف وبختلف من زول لاخر
تصبح الحقيقة حضور والدلائل شهود
الاعلام الضلالي شوفو رهاب وقصد لمقصود
الشينة منكورة والما بدورك بحدر ليك في الضلام
محاولة طمس الحقائق او تزوريها بضاعة خاسرة انتهى زمانها ومكانها والعالم اصبح أصغر من خرم الابرة
كل الدلائل راهنة وكل الحقائق حاضرة ولن تنسي
كلنا نشيل بعض ونساند بعض في المشافئ ومراكزالإيواء وغرف الطوارئ وتفقد المتضررين والأسر المتعففة وفي التكايا والمطابخ صارت لينا عنوان
يمتد العطاء لحملة لواء المستقبل القادم شبابنا ندعم كل الدعم المستحق لمشاريعهم الوطنية المتنوعة والهادفة بالتوعية المجتمعية بمخاطر الراهن ومراراته وجراحاته الاليمة
إزالة مخلفات البيئة الملوثة بالحرب وغيرها يسهم في بث الأمان والاطمئنان للمواطنين
دعوا الأشجار والغابات والازهار تنمو والعصافير تغرد في سرور وانشراح بلا اتراح اونواح
بنعزك ياسودان عزا مافيهو اصلا كلام .
أنت الاول وانت الاخر مهما كانت الدواعي والاسباب
رصوا الصفوف وحدوا الهتاف لنمارس حقنا الطبيعي سلميا في الشوارع وتنظيماتنا المطلبية النقابية والاخري المتعددة للمناداة بوقف الدمار والخراب وضياع البلد
الفحوصات الطبية المجانية المبكرة للأمراض الفتاكة تخفف من وطأه الآلام وفاتورة العلاج التي ارهقت وانهكت المواطن السوداني
تشرق شمسك ياسودان العزوالشموخ كل صباح جديد بالتفاؤل الموعود والبشريات القادمات بلاحدود وباكر ينعدل الحال وينصلح ويطيب ونبنيك موحدا كما نهوى ونريد وليس ذلك ببعيد شدة وتزول بإذن الله تعالى مابتطول باخلاصنا ووحدتنا وعزيمتنا لهزيمة كل مشاريع تقسيم الوطن العزيز
بخلاف ذلك:اها قالو شنو؟وسو شنو؟ مافي شئ بدس طالما الشمس بتشرق كل صباح جديد
الي ان نلتقي..يبقي الود بيننا
غداتخضرالأرض_اليباب
الطيب كنونه
