صباح الخير عليك ومساء الخير عليك يا وطن.تسلم من البلاوي والسقام والدواهي والسواهي والفتن
عيوننا في دربك شوف مؤكد وفي ضراك حمانا ومبتغانا الاكيد
بالفصيح والصريح وبلا دس لأنك فينا روح وجسد واحساس وبلاك بلا هدف ولا صراح
بنشيل الشيلة ونعدل المعوج ونغني لفرحك وننادي ليك وفيك بالفال السمح والزين
مابنرضى ليك الضيم ولا الحزن الاليم
بشرنا في الجايين شباب يسدوا عين الشمس وقلنا ومازلنا نردد امين وتاني امين
نرص الصفوف ونغيث الملهوف بلاذيوع ولا شيوع
وفي حقنا ابدا ماسكتنا ومابنسكت وشوفوا التاريخ بقول شنو كان بعيد ولا قريب
مطامير خيرك مليانة للدرت والجاي الحول بتكفي وكمان نهدي للغير
سكتوا البقول نحنا انتهينا بالفصيح و الصريح
دعوا الأشجار والغابات والازهار تنمو وتخضر والعصافير تغرد جزلى وفرحي في سرور وانشراح بلا اتراح
سلامات يابلد وتاني عوافي يابلد
نوفر العلاج في المشافئ بالعون الذاتي ونعمر في التكايا بالموجود وعينا دوام علي غرف الطوارئ وهناك ايضا الساكنين في مراكز الايواء.كلو يا وطن من خيرك ومنو غيرك البحمينا لمن القواسي تكتر علينا
شان المواطن يحس ويشعر بالأمان والاطمئنان لازم ولازم نزيل مخلفات هذه الكارثة اللانسانية وبيئتها الملوثة والتي لاتفرق بين الصغير والكبير
عبوا الشوارع و كل الشوارع والنوادي بالنشيد والقصيد لحماية الوطن العزيز من التقسيم والارتهان والضياع وتلكم التبعية المقصودة لقصد مقصود
الدواس مابحل مشكلة والجلوس في الواطة هو المطلوب في هذه المرحلة ويستبعد منو من تلوثت ايديهم بدماء ابناء هذا الشعب الكريم ومن سرقوا و من نهبوا موارد هذا الوطن العزيز
الحساب آت وان تأخر سوف يأتي ويأتي وليس ببعيد كل من ازهق الأرواح ودمار البلد ومواردها
باكر تشرق شمسك ياسودان العز والصمود كل صباح جديد بالتفاؤل الموعود والبشريات القادمات بلاحدود وينعدل الحال وينصلح ويطيب ونبنيك موحدا كما نهوى ونريد وليس ذلك ببعيد شدة وتزول بإذن الله تعالى مابتطول باخلاصنا ووحدتنا لهذا الوطن الكبير
بخلاف ذلك: ادي صاحب الحق حقو الان وليس باكرالمعاشيين عمار الحياة اليوماتي الي ان نلتقي.. يبقي الود بيننا غداتخضرالأرضاليباب
الطيب كنونه
