بلدنا زيها مافي شوفو انسانها وارضهاوكرم ناسها وخيراتها محل مامشينا نلقي الاحترام والتقدير والامتنان نحنا زراعة مروية بسلوك هجين عربي وافريقية، الحاصل ماشبهنا وليس مننا و لاطبعنا و لااخلاقنامن شئ
بنطيب الجرح بمحبة ونرد الكلام بصدق والسلام من غير عتاب
اتعلمنا من تراثنا وماضينا وكريم معتقداتنا كل ماهو جميل ونبيل
شوفوا الخير الوفير الفي التكايا والمطابخ ومحطات الانتظار والشوارع و الدواء والمعينات الطبية المخلتفة في المشافئ وايضا غرف الطوارئ ومراكز الإيواء..منو الزينا ومنو البشبهنا
الحرابة والخرابة رسالة لمن يدرك ويقيم مايحدث بعين مبصرة.
ضهبان وبضاعتو خسرانة وبايرة البعتقد اننا ساكتين ولا راضين ،تشهد الشوارع لينا و علينا لمن مرقنا عمال وزراع وطلاب وربات بيوت وحتي عيالنا الصغار وهتفنا كلنا بمانريد ومازلنا نقول السودان مبتغانا وحلمنا وضرانا الظليل
البحلم بشطبنا من التاريخ اليشوف ليهو غيرنا طريق
حقنا ما بنخليهو بنكاتل عديل فيهو
لو زرعتو اي عثرات او مهلكات في البيئة برضو تلقونا مارقين من كل مكان واي زمان ورافعين شعار وحده السودان عنوان
دعوا الاشجار والغابات والازهار تنمو والعصافير تغرد في سرور وانشراح بلا اتراح اونواح
قشنا مر ولحمنا ايضا مر
شبابنا يسدوا عين الشمس رافعين اسم السودان الموحد شعار وعنوان.
باكر نبنيك موحدا ياوطن كما نهوي ونريد وليس ذلك ببعيد شدة وتزول بإذن الله تعالى مابتطول باخلاصنا ووحدتنا وقوة ارادتنا وقرارنا وخيارنا في نعيش كلنا في سلام وامان واطمئنان واستقرار
بخلاف ذلك: التحية والاحترام للامهات صانعات اجيال المستقبل والقابضات علي جمر القضية.الرحمة والمغفرة وعالي الجنان لامهاتنا في دار الخلود.امهاتنا كل ايامكم أعياد
الي ان نلتقي ..يبقي الود بيننا
غداتخضرالأرض_اليباب
الطيب كنونه
