المديده حرقتني والسيره فاتتني
العالم اصبح أصغر من صغير
الكضاب حبلو قصير ودربو ماطويل
سلامات ياوطن وعوافي تاني يابلد
من تجاربنا نتعلم ويتعلم الاخرين منا كل يوم درس وعنوان جديد
لموا الصفوف لهزيمه توجهات مشاريع تقسيم السودان قبل فوات الاوان.
حلمهم لن يتحقق ولن يسود
سلامات ياوطن وكمان تأني عوافي يابلد
فينا جنيات محبه وعشق ابدي لهذا التراب
حقك واضح وابقي بيهو صادح
بين امس واليوم حكايات وعناونين وايضا دروس وعبر وتجارب يسجلها التأريخ باحرف من نور لهذا الشعب المتفرد الصنديد والذي لن يرضي الضيم
تعالوا وتنادوا من كل فج عميق لنهزم احلام ومشاريع استمرار هذه الكارثه الخطيره
كل ضرويات وواجبات الحياة اليوميه للمواطنين حق وحق وليست كماليات ولا منحه من احد
يعلو صوتنا وتتوحد منابرنا ويعزف حادينا وشادينا بأن السودان يلمنا كلنا بمختلف اعراقنا وثقافاتنا وتقاليدنا وموروثاتنا وعاداتنا ولهجاتنا وكريم معتقداتنا
تشرق شمسك ياسودان العز والصمود كل صباح جديد بالتفاؤل الموعود والبشريات القادمات بلاحدود وباكر ينعدل الحال القاسي والمرير ونبنيك ياوطن موحدا كما نهوي ونريد وليس ذلك ببعيد شده وتزول بإذن الله تعالى مابتطول باخلاصنا ودفاعنا عن حقوقنا المشروعه سلميا
سلميه وتاني سلميه وايضا دغريه
الي ان نلتقي يبقي الود بيننا
غدا تخضر الأرض اليباب
الطيب كنونه

