من حقنا ان نحلم بمانريد وليس ذلك ببعيد
كل الأحلام تبقي حقائق وكل الامنيات تهزم الواقع المرير
دع أحلامك تنمو وتزدهر فلا مستحيل مع الفجر الجديد
سلامات ياوطن وعوافي تاني يابلد
تهون كل القواسي والمحن
حتما نحلم بواقع جديد ويوم سعيد
السودان أرضنا ومبتغانا وحلمنا النبيل
الحرب لازم تقيف وتقيف ونهزم مها مشاريع تجارها وسمسارتها
محاوله طمس الحقائق بضاعه خاسره
دعوا الاشجار والازهار والغابات والحقول تخضر وتنمو لتغرد العصافير جهارا نهارا جزلي وفرحي بلا اتراح او نواح
كل جهودنا تبذل لإيقاف الدمار والخراب
الحساب قادم وقادم ولن يطول
رصوا الصفوف لنمارس حقنا المشروع في وطن تتحقق فيه احلامنا وامالنا وامنياتنا المرتجاة
سلامات ياوطن وعوافي تاني ياوطن
خسر من يحاول بيعك وخسر من يشتري الوهم
خطوه وتاني اخري وتاني صفقه وتاني غنوه وذلك الهتاف الجهور الذي يرهب الطغاة
لابديل للسودان الا السودان الموحد
تتسابق الجهود المخلصه والصادقه تتزاحم لوقف هذا الخراب وتلك المآسي والفتن
سلامات ياوطن وكمان تأني عوافي يابلد
تشرق شمسك ياسودان العز والصمود كل صباح جديد بالتفاؤل الموعود والبشريات القادمات بلاحدود وباكر ينعدل الحال وينصلح ويطيب ونبنيك موحدا كما نهوي ونريد وليس ذلك ببعيد شده وتزول بإذن الله تعالى مابتطول باخلاصنا ودفاعنا عن حقوقنا المشروعه سلميا
بخلاف ذلك:
منو الفوضك تقرر وتتكلم باسمنا..حلم الجيعان عيش.
الي ان نلتقي يبقي الود بيننا
غدا تنمو وتخضر الأرض اليباب
الطيب كنونه
