سلامات ياوطن وعوافي تاني ياوطن
بتهون كل القواسي وايضا البلاوي والسقام والدواهي والسواهي والفتن
عيوننا عليك.ماشافت غيرك بديل
في سوحك الظليل اتربينا وتعلمنا معني عشقك النبيل
كل صباح جديد ننادي ليك وعليك بالشفاء من هذه المآسي والبلاوي والسواهي والفتن والمحن وماظهر و يظهر منها ومايبطن
سوا بنمشي قدااام وتاني قدااام
من باعك ليس مننا في شئ
الحرب اللعينة وتوابعها ليست مننا ولا بتشبنها في شئ
عديله وعديله دروبك واضحه وقريبة
ننادي من كل بيت و كل شارع و كل نادي و كل تجمع لازم الحرابه تقيف وتقيف اليوم قبال باكر
الدمار والخراب والشتات والتهجير والنزوح والشتات وضياع ترابك ياوطن مقصود ومعلوم ومحسوب
كل مشاويرنا عديله وعديله في بوحك العريض نسوي العديل والزين وكل تراث وفنون بلدنا السودان الحبيب
دعوا الأشجار والازهار والغابات والحقول تنمو وتخضر لتغرد تلك العصافير جزلي ومرحي وفرحي بلا اتراح او نواح
سلامات ياوطن وعوافي تاني ياوطن
حباب عيالكم الشمروا السواعد وقفوا كتار عند التنادي
لابتهزنا عواصف ولا رياح مهما كانت عواتي
تظل الحقوق حقوق حاضرة وواجبة السداد ولو لحين ياتي لاحقا
تاني مشوار وتاني صفقة وكمان مسدار ماشين واصلا مابنقيف
سلامات ياوطن وعوافي تاني يابلد
تشرق شمسك ياسودان العز والصمود كل صباح جديد بالتفاؤل الموعود والبشريات القادمات بلاحدود وباكر ينعدل الحال القاسي والمرير ويطيب لنا فيك المديح والقصيد والمغني والنشيد ونبنيك ياوطن موحدا كما نهوى ونريد وليس ذلك ببعيد شده وتزول بإذن الله تعالى مابتطول باخلاصنا ودفاعنا عن حقوقنا المشروعه سلميا
بخلاف ذلك :
وداعا د. حيدر ابراهيم زرعك الذي بذرته تثاقفا حتما سيجني ثمره اجيال عديدة
الي ان نلتقي يبقي الود بيننا
غدا تخضر الأرض اليباب
الطيب كنونه
