:
سلامات يا بلد وتاني عوافي ياوطن
دربنا معروف ومرصوص تفاؤل ومحسوس
انت فينا ياوطن رسالة وأمانه وشرافه وقلاده
كل الدروب بتودي ليك وكل الأماني منك وإليك
مهما طال المسير برضو بنمشي في طريقنا عديل
نتلم كلنا وننادي ايضا كلنا في صباحنا وامسياتنا بأن لا بديل ليك
رصوا تلك الصفوف وحدوا الهتاف الجهور لوقف مايحدث من خراب ودمار واحتراب
دعوا الأشجار والازهار والغابات والحقول تخضر وتنمو لتغرد العصافير جهارا نهارا بلا قيود ولا حدود
مهما ضاقت الدروب برضو صامدين وقادمين ومتوحدين
سلامات ياوطن وعوافي يا إنسان هذا الوطن
بلاوي وسواهي ودواهي الحرب تتحطم بارادتنا وقوه عزيمتنا اليوم قبال باكر
مطلوبات وواجبات الحياة الآمنة للمواطنين دين في الرقاب لا تراجع عنها ولا تساهل فيها
شدوا السواعد الفتيه لمواجهة آثار ومخاطر الراهن المرير وجراحاته وسقوماته الاليمه
كل جهودنا المخلصه تتوحد لهزيمه مخططات ومشاريع استمرار الحرب وتقسيم السودان لمصالح معروفه ومعلومه وغير مدسوسه
فيك يابلد كل ماهو جميل وأصيل
نتعلم منك ياشعبنا الصنديد كل يوم درس جديد وعنوان مفيد
بينا يابلد وعد البشارات القادمات والحكايات المبهجات بلا حدود ولا قيود
تشرق شمسك ياسودان العزوالشموخ والصمود كل صباح جديد بالتفاؤل الموعود والبشريات القادمات بلاحدود وباكر ينعدل وينصلح الحال الشين والمرير ويطيب لنا فيك المديح والقصيد والمغني والنشيد ونبنيك ياوطن موحدا كما نهوي ونريد وليس ذلك ببعيد شده وتزول بإذن الله تعالى مابتطول باخلاصنا ودفاعنا عن حقوقنا المشروعه سلميا
الي ان نلتقي يبقي الود
غدا تخضر الارض اليباب
الطيب كنونه
