مافي شئ مدسوس واي شى محسوس وملموس
بين الأمس واليوم والجاي والحاضر تجارب ثرة تظل حاضرة
تعلمنا من شعبنا الصبور كل شئ مفيد
سلامات ياوطن وكمان تأني عوافي يابلد
ارح قدام وتاني قدام سكتنا معروفة ومعلومة تمام التمام
الحرب اللعينة وتوابعها لازم تقيف وتقيف اليوم وليس الغد
تتوحد كل الصفوف والجهود المخلصة والصادقة تتزاحم لوقف مايحدث من خراب ودمار واجندة اخري ذات مقاصد عدة
في لمتنا قوة وحماية للوطن من الانزلاق والانقسام والارتهان والتبعية والشتات والضياع والفرقة
سلامات ياوطن وكمان تأني عوافي يابلد
خطوة ثم خطوة تتلاحم وتتلاقي الصففوف لإنقاذ البلد وأهل البلد العزيز من اجندة معروفة ومشهودة
دعوا الأشجار والغابات والحقول والازهار تخضر وتنمو لتغرد تلك العصافير جزلى وفرحى ومرحى بلا اتراح اونواح
الدرب مابعيد وليس مستحيل لو صنقرنا في الواطة وشفنا العلينا والمطلوب مننا
الحقوق حقوق وتظل حقوق وليست منحة من احد ولا تسقط بالتقادم وان طال عليها الزمان وتغير بها المكان تظل حاضرة وواجبة السداد ولو لحين يأتي لاحقا
فيك ياوطن كل شئ جميل وأصيل
من يحاول بيعننا اويسوقنا للشتات ليس مننا في شئ
كاتل في حقك طالما انت واقف عليهو وحارسو بفهم ودراية
من حق المواطن العيش في سلام وأمان واطمئنان ووئام
الحرب وتوابعها وماتسببه من وبائيات فتاكة واخريات بالانسان وموارده المتنوعة لازم تزال قولا وفعلا وليس شعارات
تشرق شمسك ياسودان العز والشموخ والصمود كل صباح جديد بالتفاؤل الموعود والبشريات القادمات بلاحدود وباكر ينعدل وينصلح الحال الشين والمرير ويطيب لنا فيك المديح والقصيد والمغني والنشيد ونبنيك موحدا ياوطن كما نهوى ونريد وليس ذلك ببعيد شدة وتزول بإذن الله تعالى مابتطول باخلاصنا ووحدتنا وعزيمتنا ودفاعنا عن حقوقنا المشروعه سلميا
بخلاف ذلك:
المناداه بالحق السلمي بين سكان السودان صمام امان لعبور هذه الماسأة الراهنه
إلي أن نلتقي يبقي الود بيننا
غدا تخضر الأرض اليباب
الطيب كنونه
