باذنه تعالى لاميين وتاميين وبالعافية مسورين وفراحنين ولكل جميل وسعيد ساعيين
رغم الجراح والاتراح نفرح وننشد بكل ماهو متاح من افراح
مافي شئ بمنعنا ولا بحمينا التنادي بالسلام وحلو الكلام بيناتنا في العيد السعيد
لكننا لن ننسي ولن نجامل في حقوقنا ومن ظلمنا ومن خرب ودمر بيوتنا و مستقبل سوداننا
شربات الفرح بيهو نباشر وللضيوف والمعيدين علينا نقدمو ليهم ونقول مراحب والف مراحب
نمد من الخير وندي الجيران والغير فرحة بالعيد السعيد وان شاء الله يمر علينا قريب ونحن اكثر قوة والفة رغم الجراح بنفرح وعيالنا قدامنا تمرح وليهم كتير بالعيد نهنئ ونشرح
نتفقد كل من له حق علينا منهم الايتام والاسر المتعففة وهم اولى ثم اولى في ذبيحنا و خبزينا وايضا لذيذ شربوتنا
مبروك تاني العيد ومافي حزن بخلينا ما نفرح والجاي أكيد صباح جديد واكيد نستريح من هذه الجروح
نسال الله تعالي الرحمة والمغفره كل من فقدنا من اعزاء لنا واهل وجيران
بخلاف ذلك: وداعا الزول النبيل الفنان الجميل مجذوب اونسا
الي ان نلتقي يبقي الود بيننا
غداً- تخضر- الأرض-اليباب
الطيب كنونه
