الدواس والحرب فوق كم و نحنا فينا كم هم
شوفوا الناس الجات ورانا اصبحوا كيف
سلامات يا وطن وعوافي تاني ياوطن
غير الخراب والدمار مالقينا شئ
أرضا سلاح ونقول بالكلام الصريح المباح
الحرابة لقصد معلوم ومفهوم ولكن هيهات وهيهات لسه فينا الشوف
الحقائق مابتغيب ولا بطمسها التغييب
من تجاربنا تعلمنا الكثير والمثير والتاريخ شاهد وعارف منو الباع ومنو الاشتري وشنو المباع
نوحد الجهود والصفوف المخلصه لايقاف نزيف الدم والشتات والتهجير وتدمير مدخرات هذا البلد الفريد
ابقوا كتار ونحنا اصلا كتار لننادي كلنا لوقف العنف وخطابات الكراهية والعصبية والعنصرية والجهوية
البتشوفو العين مادايرلو بطارية ولا كشاف
الضوء بهزم الضلام وبرتب حلو الكلام اكيد من غير ملام
الوطن ليس للبيع ولا حقل تجارب ودواس
سدوا الفرقات والعثرات نجود بالموجود لكل من ينادي فينا بصمت مؤلم وحزين
إزالة مخلفات الحرب والبيئة الملوثة وغيرها يسهم في حماية المواطنين من ألامراض الفتاكة ومخاطرها القاسية والتي لاتفرق بين الصغير والكبير واجب علي الجميع لايقبل التأخير او التأجيل
دعوا الاشجار والازهار والغابات تنمو وتخضر والعصافير تغرد جزلى وفرحى في سرور وانشراح بلا اتراح اونواح
الحرب علمتنا ومازالت تعلمنا منو الببيع ومنو البشتري فينا من قريب اوبعيد
تتوحد الصفوف والجهود المخلصة لهزيمة مشاريع تقسيم الوطن العزيز
ابناؤنا اصحاب الهمم والاعاقات وآخرين مجتمع باكمله يبذرون فينا روح العطاء مثل غيرهم بل هم أكثر حرصا علي سلامة الوطن العزيز
حقك كاتل فيهو سلميا ولا تخليهو لأي زول
كضاب وكضاب وتاني كمان كضاب البقول نحنا انتهينا او أصبحنا شتات
تشرق شمسك ياسودان العز والشموخ كل صباح جديد بالتفاؤل الموعود والبشريات القادمات بلاحدود وباكر ينعدل وينصلح ويطيب الحال الشين ونبنيك موحدا كما نهوى ونريد وليس ذلك ببعيد شدة وتزول بإذن الله تعالى مابتطول باخلاصنا ووحدتنا لهذا الوطن الأصيل
بخلاف ذلك: نحن اغنياء بمواردنا المتنوعة لو احسنا استغلالها مشروع الجزيره نموذجا واخريات
الي ان نلتقي يبقي الود بيننا
غداتخضرالأرض_اليباب
الطيب كنونه
