ارح نكمل معا المسير والدرب ما عسير
خطوة وتاني خطوة بنمشيها عديل مهما تعبنا من الترحال والرحيل لكننا مازلنا نمشي قدام وتاني قدام وتالت قدام
سلامات ياوطن وعوافي تاني ياوطن
الخدار والأعمار حقنا بنزرعو حبة وحبة ببقي قدام بذور
مابنكل ولا نمل وعارفين عواقب ما في هذا الطريق
الدين ساهل صعب السداد
نحنا بيك ياوطن نفتخر وبيك نعتز وناتمر
حقنا معروف ومعلن ومكشوف قلناها وبنقولها لا للحرب وتاني ايضا لا للحرب
الدمار والخراب وضياع البلد ماحبابو لازم نسد كل منافذو وابوابو
في تلاقينا واتفاقنا ولمتنا قوة والماضي سجل هبتنا حين التلاقي الحميم جينا من كل الدروب هدفنا واضح ولا مستحيل
نوسع في دعم كل المطلوبات الضرورية والعاجلة لحياة المواطنين
إزاله مخلفات البيئة الملوثة بالحرب وتوابعها وماتسببه من أمراض فتاكة بالانسان وموارده المتنوعة واجب مقدم ويعني استقرار المواطن
توفير العلاج والماء النقي والاطمئنان يعني سلامة المواطنين
الحقوق حقوق وليست منحة من احد ولا تسقط بالتقادم وان طال عليها الزمان وتغير بها المكان تظل حاضرة وواجبة السداد ولو لحين ياتي لاحقا
بين الماضي واليوم والاتي علائق وصلات قيمه دروس وعبر
تشرق شمسك ياسودان العزوالشموخ والشموخ كل صباح جديد بالتفاؤل الموعود والبشريات القادمات بلاحدود وباكر ينعدل الحال وينصلح ويطيب ونبنيك موحدا كما نهوى ونريد وليس ذلك ببعيد شدة وتزول بإذن الله تعالى مابتطول .
بخلاف ذلك: الصحافة عين لاتنام 3مايو من كل عام الإحتفال باليوم العالمي للصحافة الي ان نلتقي.يبقي الود بيننا غداتخضرالأرضاليباب
الطيب كنونه
