ومن زمان مشهود وما مدسوس لانرضي الضيم والهوان ونوع ذاك الكلام
في لمتنا قوة وفي شتاتنا ضياع للبلد
نعمر الخسران بالقول السديد والفعل النصيح المعلن والصريح
لينا تجارب ولينا دروس كل شئ واضح وغير مدسوس
عمر الضيم ما بطول وان وحدو صفوفهم برضو بزول
في محبة الوطن بنسوي القول الصريح ودا أقرب طريق بزيل الضيق
نوحد الجهود والصفوف لرفع ذلك المقام والتمام للوطن الحبيب
كل ناس قدر همتهم وقدر قدرتهم بسوا الكتير والكتير والتاريخ محفور في تلك الساحات والدروب ولا هروب
نسد الفرقة للمحتاج والعيان والكايس الامان في صمت بلا بوح
السودان وطنا غالي القيمة وعالي السعر وماهو رخيص وليس للبيع ود كلام صريح وفصيح
تسقط كل اجندة التقسيم والارتهان والتبعية والشتات والتهجير القسري
في حقنا نلاوي ونكاتل سلميا كان يوم امس ولا اليوم الجاي قريب
دعوا الأشجار والغابات والازهار تنمو وتخضر والعصافير تغرد جزلى وفرحى في سرور وانشراح بلا اتراح اونواح
إزالة مخلفات البيئة الملوثة بمصائب الحرب سلام واطمئنان للمواطن ودا حق وليس شحده من حد
نرص صفوفنا ونعبي حناجرنا بالهتاف العالي الفصيح حين الهتاف يبقي سلاح مباح لهزيمة توجهات العنصرية والكراهية والجهوية والعصبية
كل زول وقدرتو في التنادي المشروع سلميا لنيل حقو والآخرين عموم
الشباب صناع الماضي والحاضر القادم ندعم كل مشاريعهم الوطنية المتفردة في التوعية المجتمعية بمخاطر الراهن ومراراته وجراحاته الاليمة
صفقة وتاني صفقة وكمان سنده وتنظيم مرتب وهتاف موحد عنان الافق الرحيب بنسوي الواحب المطلوب
ذوي الهمم والاعاقات وآخرين مجتمع باكمله يبذرون فينا روح التفاؤل والعطاء للوطن الحبيب السودان
باكر تشرق شمسك ياسودان العز والصمود والشموخ كل صباح جديد بالتفاؤل الموعود والبشريات القادمات بلاحدود و ينعدل الحال وينصلح ويطيب ونبنيك موحدا كما نهوى ونريد وليس ذلك ببعيد شدة وتزول بإذن الله تعالى مابتطول
بخلاف ذلك:راكب سرجين وقيع وصاحب بالين كضاب
الي ان نلتقي يبقي الود بيننا
غداتخضرالأرض_اليباب
الطيب كنونه
